Granit Xhaka pritet të rikthehet në stërvitjet me Arsenalit në fillim të vitit të ardhshëm.

Lajmi është bërë i ditur nga vetë klubi në një komunikatë të lëshuar.

“Granit Xhaka ka të lënduar gjurin e djathtë, por është duke bërë përarim të mirë në fazat fillestare të shërimit. Xhaka vuan nga një lëndim i ligamentit medial të gjurit të pësuar më 26 shtator. synimi aktual është që Graniti të rikthehet në stërvitje të plota në fillim të vitit të ri”, thuhet në njoftimin e lëshuar nga skuadra londineze.

? Catch the latest team news update on Kieran Tierney and Granit Xhaka?

— Arsenal (@Arsenal) November 4, 2021

Mesfushori me prejardhje nga Kosova kishe pësuar lëndimin më 26 shtator, në ndeshjen që Arsenali e fitoi me rezultat 3-0 kundër Tottenham.

“Gunners” gjithashtu ka njoftuar se janë duke monitoruar edhe situatën e Kieran Tierney, i cili kishte pësuar lëndim në kyçin e këmbës së majtë më 18 tetor.

Gjendja e anësorit skocez mbetet të vlerësohet edhe një herë, para ndeshjes që “Topçinjët” e zhvillojnë të dielen kundër Watford.